بەڕیوبەری سەنتەری چالاکی گەنجانی کەلار

دەربارەی منداڵپارێز: ڕێکخراوی منداڵپارێزی کوردستان کە لە ساڵی 1991 دا، لەلایەن خاتوو هێرۆ ئیبراهیم ئەحمەد و چەند کەسانێکی خۆبەخشەوە دامەزراوە کاردەکات لەپێناو دابینکردنی داهاتوویەکی باشتر بۆ منداڵان و گەنجان بەبێ جیاوازی، لەڕێگەی دابینکردن و داکۆکیکردن و بەهێزکردنی خزمەتگوزارییەکان بۆ پاراستنی ماف و تەندروستی و پەروەردەی هەموو منداڵێک  و گەنجێک

دەربارەی بەرنامەی گەنجان : بەرنامەی گەشەپێدانی توانای گەنجان یەکێکە لە بەرنامەکانی ڕێکخراوی منداڵپارێزی کوردستان کە لە ساڵی (١٩٩٨) ەوە دامەزراوە. تایبەتە بە خزمەت کردنی گەنجان لە گشت بوارەکان و بەرەوپێشبردنی توانا و خولیاکانیان لە ڕێگەی سەنتەرەکانی چالاکی گەنجان و تیمە گەڕۆکەکانی لە شار و شارۆچکە و قەزا و ناحیەکانی هەرێمی کوردستان. ئه‌م سه‌نته‌رانە  ناوه‌ندێكه‌ بۆ كۆكردنه‌وه‌ی گه‌نجان ،بۆ بره‌ودان به‌ به‌هره‌ی هونه‌ری ،زانستی ،ڕۆشنبیری ، وه‌رزشیه‌كانی تواناكانی گه‌نجان  به‌هه‌ردوو ڕه‌گه‌زه‌وه‌ بێ جیاوازی. گه‌نجان ئه‌م سه‌نته‌ره‌ به‌ ماڵی دووه‌میان ده‌زانن ،  ڕۆژانه‌ به‌سه‌دان گه‌نج به‌ هه‌ردوو ڕه‌گه‌ز سەردانی سەنتەرەکانمان ده‌كه‌ن

:ئەرک و بەرپرسیارێتییە سەرەکیەکان

پەرەپێدان و جێبەجێکردن و سەرپەرشتیکردنی بەرنامە و چالاکییەکانی گەنجان، لەوانەش کولتووری، هونەری، پیشەیی و وەرزشی

دڵنیابوون لەوەی کە بەرنامەکان لەگەڵ ئەرک و ئامانجەکانی ڕێکخراوی منداڵپارێزی کوردستان هاوتەریبن، و پێداویستییەکانی گەنجانی ناوچەکە دابین دەکەن

دانانی بەرنامەی ستراتیژی بۆ بەڕێوەبردنی سەنتەری چالاکی گەنجان

چاودێریکردن و ئەنجامدانی هەڵسەنگاندن بۆ کاریگەری بەرنامە و چالاکیەکان و پێداویستییەکان بە مەبەستی بەرزکردنەوەی ئاستی سەنتەر و باشترکردنی دەرئەنجامەکان

نوێگەری لە کار و چالاکییەکاندا و پێشنیار کردنی بەرنامە و چالاکی نوێ لە پێناو خزمەتکردنی گەنجاندا

ناساندنی سەنتەرەکانی چالاکی گەنجان و کار و چالاکییەکانیان لەلای یەکە ئیدارییەکان، ڕێکخراوەکان، و خەڵکی گشتی ناوچەکە

بەڕێوەبردنی پرۆژەی سەنتەری چالاکی گەنجانی کەلار لەسەر بنەمای پلانی کاری ساڵانە یان هەر کارو چالاکیەک بێتە پێشەوە

دانانی بودجە و پلانی ساڵانەی پرۆژەکە بە هەماهەنگی لەگەڵ بەڕێوەبەری بەرنامەی گەنجان و کارمەندان و بەشەکانی پرۆژەکە، وە بەکارهێنانێکی دروست بۆ بودجەی ڕێکخراو

ئامادە کردن و ناردنی ڕاپۆرتی مانگانە و ساڵانەی پرۆژەکە، ناردنی ڕاپۆرتی چالاکی و ڕاپۆرتی بودجە

سەرپەرشتی کردنی سەرجەم کارمەندان بە ئامادە بوون و هەستان بە ئەرکەکانیان لە پرۆژەکەدا، هەروەها هەڵسەنگاندن، دانانی پلانی ئیشکردنی ساڵانە، مانگانە و هەفتانە

پێشکەشکردنی پشتگیری بەردەوام و پەرەپێدانی پیشەیی بۆ ستاف

سەرپەرشتیکردنی چاککردنەوە و سەلامەتی دامەزراوە و ئامێرەکانی سەنتەرەکە

ڕاپۆرتکردنی سەلامەتی دامەزراوە و ئامێرەکانی سەنتەرەکە

ئەنجامدانی هەر ئەرکێکی تر کە لەلایەن بەڕێوەبەری بەرنامەوە پێی دەسپێردرێت

بڕوانامە و داواکاریەکان

بڕوانامەی بەکالۆریۆس لە کاری کۆمەڵایەتی، پەروەردە، ڕاگەیاندن، بەڕێوەبردن، یان بوارێکی پەیوەندیدار

ئەزموونی کارکردنی هەبێت لە پەرەپێدانی گەنجان، بەڕێوەبردنی بەرنامە، یان بوارێکی پەیوەندیدار

توانای سەرکردایەتی و بەڕێوەبردنی بەهێز بێت

  هەبێت (MS office)  شارەزایی لە بەرنامەکانی کۆمپیوتەر و

توانستی زمانی کوردی زۆر باش بێت (ئاخاوتن، نوسین، خوێندنەوە)، شارەزایی زمانی ئینگلیزی خوازراوە

شارەزایی پرسە کلتوری و کۆمەڵایەتی و ئابوورییە ناوخۆییەکان بێت کە کاریگەرییان لەسەر گەنجان هەیە لە ناوچەکە

دانیشتووی شاری کەلار یا دەوروبەر بێت

شوێنی کار: سەنتەری چالاکی گەنجان-کەلار

بەرنامە: بەرنامەی گەشەپێدانی توانای گەنجان

 سەپەرشتیاری ڕاستەوخۆ: بەڕێوەبەری بەرنامەی گەشەپێدانی توانای گەنجان

ماوەی گرێبەست: ١ ساڵ

کاتی کارکردن: ٧ کاتژمێر و نیو لە ڕۆژێکدا،

ڕۆژانی کارکردن: یەک شەممە بۆ پێنج شەممە