کارمەندی بەرنامەی

دەربارەی منداڵپارێز

ڕێکخراوێکی سەربەخۆی ناحکومی تایبەت بە منداڵانە. لە ساڵی ١٩٩١ دا لەلایەن بەڕێز هێرۆ ئیبراهیم ئەحمەد و ژمارەیەک ستافی خۆبەخشەوە دامەزراوە، ڕێکخراوێکی سیاسی و حکومی و ئاینی نییە، لە پێناوی قازانجدا کارناکات، بەبێ ڕەچاوکردنی نەژاد، ڕەگەز و پابەندییە ئاینی و سیاسییەکان یارمەتی پێشکەش دەکات،کار دەکات بۆ دەستەبەرکردنی داهاتوویەکی باشتر بۆ منداڵ و گەنج لە ڕێگەی پەرەپێدانی تواناکانیان بە بێ جیاوازی، وە داکۆکیکردن و دابینکردن و بەهێزکردنی خزمەتگوزاریەکان لە بوارەکانی پاراستنی مافەکانی منداڵ و تەندروستی و پەروەردە

دەربارەی بەرنامەی پەروەردە

بەرنامەی په‌روه‌رده‌ سه‌رپه‌رشتی پڕۆژە پەروەردەیەکانی منداڵپارێز دەکات لە پارێزگاکانی هەرێمی کوردستان و شاروشارۆچکەکانی دەکات,کە بریتین له‌(مه‌ڵبه‌نده‌کانی ڕۆشنبیری كازیوه‌ی منداڵان چوارتا، عەربەت) ،خوێندنگه‌ی دواناوه‌ندی شه‌هید جه‌باری تێکەڵ،سه‌نته‌ری ڕاهێنانی په‌روه‌رده‌یی بۆ منداڵی خاوه‌ن پێداویستی تایبه‌ت، باخچه‌ی كازیوه‌/ كه‌مپی عه‌ربه‌ت) هەروەها کۆمەڵێک پڕۆژەی کورت خایەن وەک خولی پەروەردەی نافەرمی لە قوتابخانە و باخچەکانی شاری سلیمانی وە دەوروبەری، بەشداری کردن لە پرۆسەی گەراندنەوە بۆ خوێندن ، پڕۆژه‌ی خولى هاوينه‌ لە خوێندنگەکان، و راهێنانی مامۆستایانی پەروەردەی تایبەت، خولی ڕاهێنان بۆ مامۆستایانی پەروەردەی تایبەت و چالاکیە پەروەردەیەکان.

هەر وەها بەرنامە بەردوامە لە هەماهەنگی و پاڵپشتی کردنی پرۆسەی پەروەردەی منداڵ و بەشداری کردن لە جالاکی جۆراو جۆرەکانی پەیوەندی دار بە منداڵان و نمایش کردنی چالاکی و پاڵپشتی کردن لە منداڵان و پلان دانان بۆ ئەنجام دانی چالاکیەکانی بەرنامە

ئەرک و بەرپرسیارێتییە سەرەکیەکان:

کۆکردنەوە وچێککردنەوە و ئامادەکردنی ریپۆرتی مانگانەی گشت پرۆژەکانی بەرنامەی پەروەردە

ئامادەکردنی پلانی سەردانیکردنی پرۆژەکانی بەرنامەی پەروەردە ومۆنیتەرین کردنی چالاکیەکان و ریپۆرتکردنی ئەو کێشە و گرفتانەی لە بەشەکان و بینای پرۆژەکاندا هەیە

کۆکردنەوەی داتای مانگانەی پرۆژەکان بە هەماهەنگی لەگەڵ لێپرسراوی پرۆژەکان وبەشی پێشوازی و دواتر لەسەر کلێشەی تایبەتی رێکخراو دەکرێتەوە بە ریپۆرت و ئاگاداربوون لە تارگێتی مانگانەو سێ مانگی و شەش مانگی و ساڵی سەرجەم بەش و چالاکیەکانی پرۆژەکان

هاوکاریکردنی بەرنامە لەو ئیڤینتانەی بەشداری تێدا دەکرێت

بەدواداچوون بۆ ئەو کەیسانەی کە دێتە بەرنامەی پەروەردە بە هەماهەنگی لەگەڵ بەشی بەرێوەبردنی کەیس

بڕوانامە وداواکاریەکان

بڕوانامەی بەکالۆریۆسی هەبێت –

ئەزمونی کارکردنی لە رێکخراو کەمتر نەبێت لە ساڵیک –

شارەزایەکی هەبێت لە زمانی ئینگلیزی عەرەبی و کوردی –

شارەزایی و پابەند بوونی بە یاسا و ڕێساکانی پاراستنی مافەکانی منداڵان –

شارەزایی لە بەکارهێنانی کۆمۆپیوتەر –

توانای کارکردنی هەبێت لە دەروەی سەنتەری سلێمانی و توانای مانەوەی هەبێت –

هیج کێشەیەکی یاسایی نەبێت –

ماوەی گرێبەست: /9/2024 هەتا 31/12/2024

کاتی کارکردن: 8:30 بەیانی هەتا 4:00 پاش نیوەرۆ